Temos o voluntariado máis riquiño da zona, tanto fan empréstitos na biblioteca na hora do recreo, como axudan a organizar o espazo creativo da biblioteca, ou gravan post para Radio Todiño:
A chuvia non nos para cando se trata de axudar. Grazas á celebración do mercado escolar solidario e á xente que se animou a colaborar, recolléronse 500 kg de comida e 200 kg de conservas a beneficio de Cáritas e do Comedor Social (ICE Renovación), e sobre todo á inestimable axuda dos voluntarios de Biblioteca. Xuntos sempre é mellor. Ceip o Grupo, Ceip de Artes e Ceip Heroínas de Sálvora.
Como todos os anos, imos a celebrar o noso tradicional Mercado Escolar Solidario, no que como sempre intercambiaremos un libro por un alimento. Este ano únense tamén o Ceip de Artes e o Ceip Heroínas de Sálvora. Estaremos o día 26 de abril no adro da Igrexa tentando que se una a maior xente posible para conseguir alimentos para doar a Cáritas e ao comedor social que leva ICE Renovación. Esperamos vervos a todos alí!
Comeza a semana do Libro, e queremos que sexa especial para o alumnado do Ceip o Grupo, por iso, mañá 19 de abril, no auditorio municipal, contaremos con Ana Meilán, que contará para Educación infantil e primeiro ciclo de Primaria "Quen ven esta noite", e para segundo e terceiro ciclo "O universo na maleta". Desexando escoitar a esta gran escritora!!