O alumnado do primeiro ciclo asistiu á representación teatral da obra A pequena osa quere xogar, unha actividade organizada pola Biblioteca Escolar e financiada por Anaya.
A obra transmite valores como a igualdade, a amizade e a liberdade para escoller aquilo que nos gusta, a través dunha historia divertida e chea de emocións que captou a atención dos nenos e nenas desde o primeiro momento.
Foi unha experiencia moi enriquecedora na que o alumnado puido gozar do teatro como ferramenta educativa e de animación á lectura.
